Dende que naceu Asnot, en cada edición do festival escollemos un tributo a unha banda inglesa que empape do espítito do festival ao noso público.
En 2022 acompañounos unha espectacular banda:
Abbey Road
Dirixido por Darío Autrán e interpretado por Josito Porto, a curtametraxe promocional de Asnot 2022, fíxonos intuir a banda cabeza de cartel de Asnot 2022. Abbey Road, un dos mellores tributos do mundo a The Beatles desatou a euforia das fans deste participativo e gratuíto festival.
Unha fascinante viaxe ao pasado rememorando a música dunha banda que revolucionou os fundamentos da música moderna. Puidemos escoitar os grandes éxitos que lle deron fama ao grupo británico durante a primeira meted dos anos 60, e revivir aqueles himnos que The Beatles gravaron ata o 1970 e que nunca chegaron a tocar en directo.
Sobre o escenario conseguiron unha increíble fidelidade ás voces e sons orixinais, e foron capaces de recrear toda a música da discografía dos de Liverpool. Os seus concertos tamén destacan polos diferentes cambios de vestiario feito a imane dos orixinais dacordo coa época. Incluso os instrumentos utilizados son os mesmos que utilizaban John Lennon, Paul McCartney, George Harrison e Ringo Starr.