FAQs

Quen organiza Asnot?

A Asociación Cultural co mesmo nome. De forma voluntaria as súas socias traballan durante todo o ano para sorprendernos en cada edición.

O festival Asnot é gratuíto?

Sí. Asnot dende o seu comezo é libre, gratuíto e a pé de rúa.

Mais este ano 2021 de transición será con entrada. A fórmula tivo que adaptarse á evolución da pandemia. Así que, sen perder a esencia e o glamour de Asnot, desenvolvemos un proxecto que encaixa á perfección cos seus valores: Asnot Garden Party. Parte dos fondos recaudados destinaránse a fins sanitario-sociais para paliar as consecuencias producidas pola covid-19 na nosa proximidade.

Haberá Asnot 2021?

, mais será unha edición de transición. Dende a organización do festival estamos a traballar co mesmo tesón e ilusión para poder manter o espírito de Asnot sen riscos para ninguén. A saúde prima! Así que Asnot debe reformularse: Asnot Garden Party. O fío conductor é a celebración ducha Garden Party na que a Raíña convida á comunidade de Asnot Queendom a un picnic caritativo nos seus xardíns de palacio durante unha relaxada tarde de verán.

Por que ese cambio este ano?

A saúde prima! Sabemos que un festival a pé de rúa, gratuito e sen aforo limitado non é posible (de momento). Debemos coidar a nosa festa coidándonos primeiro a nós e aos demais.

E como sera Asnot Garden Party?

Será un evento de pequeno formato (control de aforo), seguro (protocolo covid-19), nun recinto delimitado (fácil control) e ao aire libre. E seguirá sendo un evento respectuoso, elegante e moi divertido.

Onde será o evento?

No Xardín Botánico Artístico de Padrón. A localización debe ser coherente a este momento e aos nosos valores. E temos o lugar perfecto. No centro de Padrón. Un espazo natural, delimitado perimetralmente e que encaixa coa estética e valores de Asnot. 

E pódense levar crianzas?

Sí! Todas as persoas a partir dos 6 anos deben adquirir unha entrada. As menores de 6 (de 0 a 5 anos) non computan para o aforo. Cada mesa pode levar ata 4 crianzas de menos de 6 anos.

Entón non haberá nada nas rúas de Padrón?

! Mais sen hipódromo onde celebrar os concertos, nin Flea Market, nin casa real. Non haberá actividades que poidan poñer en risco a ninguén. Debemos ter paciencia e coidado e estaremos orgullosas do noso pasado.

haberá mini-photocalls en establecementos colaboradores onde posar co teu orixinal sombreiro ou colorido tocado e poder optar á Xoia da Coroa.

haberá proxeccións na praza do centro da vila de ilustracións reinterpretando a nosa festa.

haberá moitas ganas de disfrutala, con glamur, humor e sentidiño!

O Asnot Garden Party e as rúas de Padrón prepáranse para recibirte coa túa millor gala. Así que, se inda non tendes o voso tocado ou sombreiro para Asnot, ideo preparando. A Raíña agarda pola súa glamurosa comunidade!

Canto custa Asnot Garden Party?

Para asistir debes reservar unha das elegantes mesas para 6 persoas que colocaremos na alameda central do Xardín. Cada unha costa 120€ (20€ por persoa) máis os gastos de Xestión.

Haberá concertos en Asnot Garden Party?

Sí! E outras moitas sorpresas.

Despois de reserva, como debo levar a miña entrada o día 24 de xullo?

Podes presentala no móvil ou traerla impresa, inda que non o recomendamos: pensa no medio ambiente! Precisarás ademais do teu DNI.