FAQs | Preguntas frecuentes

Que é Asnot?

A creatividade, a orixinalidade e a elegancia dos sombreiros made in Galicia!

Que día é Asnot 2024

O mércores 24 de xullo de 2024.

Que é o Asnot Style?

O público de Asnot acude ao festival vestido de elegantes e glamurosas damas ou cabaleiros (ou non) pero sempre cun sombreiro na cabeza, unha creación customizada orixinal e creativa que fai tan colorido e espectacular este evento.

Dende que naceu Asnot, o mesmo día do festival (24 de xullo) hai un concurso de sombreiros que ten como premio a Xoia da Coroa.

A raíña de Asnot escolle, de entre o público asistente ao festival, o sombreiro customizado máis orixinal e creativo para facerlle entrega da distinguida “Xoia da Coroa”. o exclusivo premio de Asnot para calquera persoa e que premia a creatividade e orixinalidade.

Asnot é gratuíto?

. Asnot dende o seu comezo é libre, gratuíto e a pé de rúa.

Soamente na edición do ano 2021 (de transición) foi con entrada. A fórmula tivo que adaptarse á evolución da pandemia. A saúde prima! Un festival a pé de rúa, gratuíto e sen aforo limitado non era posible de momento. Coidamos a nosa festa coidándonos primeiro a nós e aos demais. Así que, sen perder a esencia e o glamour de Asnot, desenvolveuse un proxecto que encaixou á perfección cos seus valores: Asnot Garden Party. A metade dos fondos recaudados destináronse a fins sanitario-sociais para paliar as consecuencias producidas pola covid-19 na nosa proximidade.

Quen organiza Asnot?

A Asociación Cultural co mesmo nome.

De forma voluntaria as súas socias traballan durante todo o ano para sorprendernos en cada edición.